Gayane Serobyan

Ծնվել է 1961թ. մայիսի 21-ին, Երևանում: Ավարտել է Երևանի թիվ 133 միջնակարգ դպրոցը, որտեղ 7 տարի սովորել է նաև երաժշտական դպրոցի դաշնամուրի բաժնում: Սովորել է Երևանի քիմիական տեխնիկումում: Երգել սկսել է վաղ տարիքից, բազմաթիվ մանկական խմբակներում: Աշխատել է Երևանի  Մաշտոցի  շրջանի բնակվարչության շինարարական տեղամասում` որպես կադրերի բաժնի տեսուչ: Սովորել է նաև դիմահարդարություն: Երգել է «Մերգելյան» ինստիտուտի «Հին Երևան» և «Ծիածան» խմբերում: Երաժշտական գործունեությունն սկսել է 1994թ-ից` «Արդինի» ստուդիայում: Այդ տարիներին մասնակցել է բազմաթիվ կառավարական համերգների և Հայաստանի ՈւՀԱ թիմի խաղերին ու դարձել հաղթող: 1996-97թթ «Տկզար» խմբի հետ հյուրախաղերով եղել է Կանադայում: Աշխատել է երաժիշտ, գործիքվորող Արթուր Հակոբյանի, երգիչ  Պապին Պողոսյանի,  ջութակահար  Սամվել Երվինյանի  հետ: Հյուրախաղերով եղել է բազմաթիվ արտասահմանյան երկրներում: Թողարկել է «Այս գիշեր» (2002թ.), «Ես չգիտեմ» (2006թ.), «Սիրել եմ քեզ» (2009թ.), «Կարոտ» (2010թ.), «Դու անմեղ ես» (2013թ.) ձայնասկավառակները, նկարահանել է 3 տեսահոլովակ: